يؤدي كرومسوم chromosome واحد مضاف، ينتج هذا المخلوق الملائكي الذي يفيض حبا بابتسامته العذبة على كل من حوله. 

  غنقول أطفال حيت هوما وخا كيكبرو قلبوم ديما كيبقا طفل حيت العمر لا يسرق نقاء قلبوبهم كما يفعل معنا نحن البشر العاديين..

أول خلل على مستوى الكروموسومات تم اكتشافه هو ما يسمى بمتلازمة داون (او trisomie21) سنة 1959

-داون نسبة للعالم لي كتاشف هاد الخلل..

-وtrisomie 21 حيت عندوم 3 د النماذج من الكرومزوم 21 عوض 2.. 

الكروموسوم هو لي كيحمل المعلومات الوراثية د الانسان( والمخلوقات البيولوجية بصفة عامة) هو عامل فحال واحد الدوسي مخبع فيه كاع المعلومات عليك كانسان (لون العين، لون الشعر، الطول ديالك إلخ..) 

الانسان عندو 46 كروموسوم 23 كيجيبوم من عند الاب و23 من عند الام، يعني كل كروموسوم معاود جوج د المرات..

الاطفال لي كيتولدو بهاد الخلل الكروموزومي كيكون عندوم كروموسوم واحد زايد أي عندوم 47 كروموسوم فعوط 46 

وبالظبط الكروموسوم 21 (الكروموسومات مرتبين من واحد حتا ن 23 على حساب الطول ديالوم) لي مكرر 3 د المرات فعوط 2..

كيفاش كيوقع هاد الخل؟

أثناء الانقسام الخلوي لي كيكوننا الامشاج(les gamets) الخلية كدمر ب مرحلين من الانقسامات..

-المرحلة الاولي لي كنسموها meiose1 لي كدنقاسم فيه الخلية على جوج وكل كروموسوم كيمشي فجيه وكيتسمى هاد الانقسام بالانقسام الاختزالي حيت انتقلنا من خلية فيها 2n ن خليتين كل وحدة فيها 1n (أي كيقسمنا عدد الكروموسومات على جوج)

-المرحة التانية لي كنسموها meiose2 كدنقاسم الخلية على جوج وكدعطي فطوكوبي ديالا أي خليتين فيهوم 1n وكيتسمى هاد الانقسام بالانقسام التعادلي حيت كيحافظ على عدد الكروموسومات داخل كل خلية..

وف الاخير كنحصلو على 4 خلايا فيهوم 1n وملي يتلقانا المشيج الانثوي مع المشيج الذكري لي كل واحد فيهوم فيه 1n كيعطونا خلية فيها 2n

هاد الشي لي كيوقع فالحالة الطبيعية..

أما فحالة trisomie21 ملي كدنقاسم الخلية مكيتفارقوشي الكروموسومات على بعطوم (الحب...على ديك الشي كيعطونا هاد المخلوقات الممتلئة بالحب) إما فالمرحة الاولى أو فالمرحة الثانية كما ذكرنا..

في حالة متفرقوشي فالمرحة اللوليا ( كيعملو ما كيعملو البطل والبطلة ف فيلم هندي كيهربو مع بعطوم من من النهار اللولي😁) كنحصلو على 4 خلايا جوج فيهوم 1n+1( زايد فيها كروموسوم 21) وجوج فيهوم 1n-1( أي مفهومشي كروموسوم 21)

وفي حالة متفرقوشي فالمرحة الثانية( حتا ننهار عرس البطلة عاد كيجي البطل ينقذ الموقف😁) كنحصلو على 4 د الخلايا وحدة فيها 1n+1 (كروموسوم 21 اخور زايد) وجوج فيهوم 1n (عاديين) ووحدة فيها 1n-1 (اي ناقص فيها كروموسوم 21)

لذلك فحالة ما تلقانا المشيج لي فيه 1n+1 مع مشيج فيه 1n كيعطينا خلية فيها 2n+1 أي فيها 47 كرومسوم بحيت الكروموسوم 21 معاود 3 د المرات فعوط 2..

#ملاحظة: غالبا الانثى هي لي كدعطينا هاد النوع د الامشاج، حيت الانثى ملي كدخلق كدخلق بالبويضات كاينين..وكيكونو متوقفين ف المرحلة الأولى من النمو..ملي كدبلغ الانثى وكدوجد البوييضة راسا باش دخرج عاد كدكمل باقي مراحل النمو..وحيت كيتعاطلو تما باش اخرجو..كيصعاب بعض المرات على الكروموسومات يتفارقو..

#مفيش_مصادر_نبص_عليها😅

#تحية_لكم❤