السلام عليكم تلاميذ و تلميذات السنة الثانية بكالوريا ☺ كلنا عارفين بلي حنا كأبناء الشعب عندنا مشكل عويـــص فكل ما يخص التوجيه ، و المعلومة مكاتوصلنا حتى كاتنتهي ليها الصلاحية 🤷🏻♂ و بحكم أنكم قريبا غادي تاخدوا أول شهادة ديالكم لي هي شهادة البكالوريا لي كانتمنى من ربي يسهل عليكم كاملين و تاخدوها بالمونسون إن شاء الله 😍😍
غادي نبدا معاكم هاد السلسة ديال الآفاق ما بعد البكالوريا و لي غادي نهدر فيها بالتفصيل على كل ما يخص الأفاق و المدارس و المعاهد المتاحة و شروط الولوج و معدلات الإنقاء ... ، باش تكون عندكم معلومات كافية و تعرفوا من دابا شنو تختارو و فين تمشيو و علاياش تعولوا و علاياش ماتعولوش ✌🏻ءء
و البداية إن شاء الله غاتكون بقطاع الصحة
غادي نبدا معاكم هاد السلسة ديال الآفاق ما بعد البكالوريا و لي غادي نهدر فيها بالتفصيل على كل ما يخص الأفاق و المدارس و المعاهد المتاحة و شروط الولوج و معدلات الإنقاء ... ، باش تكون عندكم معلومات كافية و تعرفوا من دابا شنو تختارو و فين تمشيو و علاياش تعولوا و علاياش ماتعولوش ✌🏻ءء
و البداية إن شاء الله غاتكون بقطاع الصحة
هاد القطاع لي كايتعتابر من أبرز المجالات و عندوا قيمة كبيــرة سواء اجتماعيا أو حتا إنسانيا ، و هنا غادي نهضر على 3 دالمؤسسات عمـــومية لي كاتأهل لولوج هذا القطاع :
1- كلية الطب و الصيدلة FMP :
كاتتواجد فمجموعة من المدن (مذكورة فالصورة أسفله) و هي كلية كادوم فيها الدراسة 7 سنوات كاتسالي بالحصول على شهادة دكتوراه في الطب العام أو 6 سنوات و كاتسالي بالحصول على دكتوراه في الصيدلة ، يعني هاد الكلية بالأساس كايتخرجوا منها الأطباء لي يمكن ليهم يخدموا فالقطاع العام يعني فسبيطارات ديال الدولة ، أو يمكن ليهم يخدموا فالمصحات الخاصة و أيضا يمكن ليهم يكملوا قرايتهم باش يوليو أطباء متخصصين ...
لولوج هاد الكلية لابد من بكالوريا علوم التجريبية (PC-SVT-Agro) أو حتا بكالوريا علوم رياضية أ و ب ، و كايكون إنتقـــاء أول حاجة بناء على %75 من معدل الإمتحان الوطني + %25 من معدل الإمتحان الجهوي (عتبة الإنتقاء كاتلعب ما بين 14 تال 16 حسب كل مدينة و كل سنة) ، المقبولين فالإنتقاء كايتم استدعائهم باش يدوزو إختبار كتابي ، و لي داز فهاد الكونكور صافي كايبقا ليه غير يدير شي زردة و يعرض علينا كـــاملين و الله يسهل على الدكتور ديالنا 👨🏻⚕👩🏻⚕
2- كلية طب الأسنان FMD :
كاينة فكل من مدينتي الدارالبيضاء و الرباط ، كيفما كايشير الإسم ديالها ، هي كلية كايتخرجوا منها بالأساس أطباء الأسنان من بعد 6 سنوات من الدراسة كايحصلوا فيها على شهادة الدكتوراه في طب الأسنان ، نفس الشيء كاين إنتقاء أولي ثم مباراة (عتبة الإنتقاء كاتكون مرتفعة نسبيا بحيث طيلة السنوات الأخيرة العتبة مكاتنزلش على 16,80)
كاينة فكل من مدينتي الدارالبيضاء و الرباط ، كيفما كايشير الإسم ديالها ، هي كلية كايتخرجوا منها بالأساس أطباء الأسنان من بعد 6 سنوات من الدراسة كايحصلوا فيها على شهادة الدكتوراه في طب الأسنان ، نفس الشيء كاين إنتقاء أولي ثم مباراة (عتبة الإنتقاء كاتكون مرتفعة نسبيا بحيث طيلة السنوات الأخيرة العتبة مكاتنزلش على 16,80)
3- المعاهد العليا للمهن التمريضية و تقنيات الصحة ISPITS :
كاتواجد فعدد كبير من المدن (23 مدينة) ، و هي معاهد لي كادوم فيها الدراسة 3 سنوات كاتسالي بالحصول على شهادة الإجازة المهنية في علوم الصحة ، يعني كايتخرجوا مها الممرضين و الممرضات ، فبزاااف ديال التخصصات بحال التخدير و الإنعاش ، الترويض الطبي ، القبالة ، الصحة النفسية ... ، بطبيعة الحال كايكون إنتقاء أولي (عتبة الإنتقاء كاتلعب ما بين 11 تال 17 حسب المدينة و التخصص المرغوب فيه ، كمثال تخصص القبالة أو الصحة النفسية كاتكون فيه العتبة منخفضة كاتوصل تال 11 ، في حين هناك تخصصات مثل التخدير و الإنعاش و تخصص المختبر كاتكون العتبة مرتفعة فيهم) من بعد الإنتقاء كاتكون مباراة كتابية ثم مباراة شفوية
للإشارة، هاد المعاهد بالأساس كاتطلب بكالوريا علمية ، لكن هناك بعض التخصصات لي ممكن حتا الحاصلين على باك آداب يولجوهم بحال تخصص المساعدة الإجتماعية ...
كاتواجد فعدد كبير من المدن (23 مدينة) ، و هي معاهد لي كادوم فيها الدراسة 3 سنوات كاتسالي بالحصول على شهادة الإجازة المهنية في علوم الصحة ، يعني كايتخرجوا مها الممرضين و الممرضات ، فبزاااف ديال التخصصات بحال التخدير و الإنعاش ، الترويض الطبي ، القبالة ، الصحة النفسية ... ، بطبيعة الحال كايكون إنتقاء أولي (عتبة الإنتقاء كاتلعب ما بين 11 تال 17 حسب المدينة و التخصص المرغوب فيه ، كمثال تخصص القبالة أو الصحة النفسية كاتكون فيه العتبة منخفضة كاتوصل تال 11 ، في حين هناك تخصصات مثل التخدير و الإنعاش و تخصص المختبر كاتكون العتبة مرتفعة فيهم) من بعد الإنتقاء كاتكون مباراة كتابية ثم مباراة شفوية
للإشارة، هاد المعاهد بالأساس كاتطلب بكالوريا علمية ، لكن هناك بعض التخصصات لي ممكن حتا الحاصلين على باك آداب يولجوهم بحال تخصص المساعدة الإجتماعية ...
نتمنى نكون قدمت ليكم بعض المعلومات المفيدة و مرحبا بالأسئلة ديالكم و الإستفسارات ديالكم على الكومنتيرات 🤗 و لي ماعندو حتا سؤال يقولينا شنو القطاع لي بغانا نهضرو عليه فالحلقة الثانية إن شاء الله ؟
إسحاق غانم - مؤطر في التوجيه المدرسي و الجامعي
